AI’preneurs 2025

«AI’preneurs екінші легінде 360 өтінімнің ішінен 54 AI-талантты іріктеп алдық, олар 13 стартап құрды. Бұл лек біріншісінен асып түсіп, AI-стартаптар үшін жаңа стандарттар белгіледі — бағдарлама қатысушыларға идеяларды тез арада өнімге айналдырып, нарыққа шығу үшін трекерлердің тәжірибесіне, сарапшыларға және ресурстарға қол жеткізуге мүмкіндік бере отырып, өз тиімділігін дәлелдеді. Біз бұдан да көп IT-таланттарды тартып, олардың жобаларын жаһандық деңгейге шығарғымыз келеді», – деді Astana Hub бас директоры Мағжан Мадиев.

Айта кетейік, бірінші кезеңде қатысушылар 20 команда құрды, оның 13-і акселерацияны сәтті аяқтап, күшті MVP көрсете отырып, өз стартаптарын нөлден құрды. Екінші лек аясында Demo Day 2025-те мыналар ұсынылды: CoFounder AI - клиенттерді табатын және бизнесті автопилотпен масштабтайтын ЖИ-агенттер экожүйесі; STIKER.AI - салық кеңесшілері мен фриланс-сарапшыларға күнделікті жұмысты автоматтандыруға көмектеседі: құжаттарды жинау, еске салғыштар және WhatsApp арқылы төлемдер, CRM-сіз және күрделі баптауларсыз; TabiLens - жаңа буындағы туристік маркетингке арналған AI-платформа; OYS - сату менеджерлерін 1 күнде онбордингтен өткізетін, конверсияны арттыратын және толық аналитика беретін жүйе; Botable.dev – бизнесте AI-шешімдерді құру мен енгізуді жеңілдету идеясы; SolidRock - бейнеойындарды аудару, локализациялау және интеграциялауға арналған инженерлік AI-шешім; Yer AI - үздік ЖОО-ларға түсу аясында емтихандарға дайындалуға арналған AI-платформа; ATeam - аналитика және жеке өсу жоспарлары арқылы қызметкерлерді дамытуды және олардың тиімділігін басқаруды автоматтандыруға арналған HR-платформа; Omir AI - талдау деректерін өңдеп, кейіннен жеке ұсыныстар беретін медициналық стартап; NIGIN - бизнес үшін нақты AI-роадмап пен кепілдендірілген пайда өсімін жасайтын AI-агенттер платформасы; U-Drone - дрондар мен жасанды интеллект көмегімен апат орындарының дәл 3D-модельдерін бірнеше минутта жасайтын ЖКО-ны тіркеудің автономды жүйесі; Ping! - ритейлге арналған клиенттік сервис экожүйесі; GoStratify - корпоративтік деректерді құрылымдалған және ЖИ-ге дайын ететін платформа.

Astana Hub-тағы Demo Day-де ұсынылған инновациялық стартаптардың арасында U-Drone жобасы болды. Стартап дрондар мен 3D-модельдеу көмегімен қала жолдарын жүктемеден босатуға арналған технологиялық шешімді ұсынады.

«Мен қала құрылысы саласында 10 жылдан астам жұмыс істеймін. Astana Hub-тың AI’preneurs бағдарламасы маған жаңа әлемді — IT әлемін ашты. U-Drone идеясы жол-көлік оқиғаларының қалалық мобильділікке қаншалықты қатты әсер ететінін түсінуден туды. Қазір барлық процестер қолмен жүзеге асырылады, бірақ біздің түпкі мақсатымыз — толық автономды жүйе құру: дрон өздігінен ұшып шығып, жағдайды тіркейді және адамның қатысуынсыз базаға қайтады», — деп бөлісті U-Drone негізін қалаушы, сәулетші Ерқанат Заитов.

Қатысушылар акселерацияның бүкіл жолын қарқынды форматта және тұрақты сараптамалық қолдаумен өтті. AI’preneurs жетекші трекерлері Евгений Фролов пен Николай Тян әр кезеңде: гипотезаларды пысықтаудан бастап нарыққа шығуға дайындыққа дейін қолдау көрсетті. Тұрақты бордмитингтер, қателерді талдау және прогресті трекингтеу командалар трансформациясының маңызды элементтеріне айналды.

Бағдарлама әртүрлі елдердің IT-кәсіпкерлері, инженерлері мен мамандары арасында үлкен қызығушылық тудырды. 2024 жылы іске қосылғаннан бері AI’preneurs-ке Қазақстаннан және жақын шетелден 612 өтінім берілді. AI’preneurs – идеялар туралы емес, нәтиже туралы. Бүгінде бірінші лектің стартаптары 350 000 $-дан астам инвестиция тартып, өсуін жалғастыруда. Бағдарлама қатысушыларға менторлық қолдауға, Astana Hub инфрақұрылымына, халықаралық байланыстарға және сенімді бастауға қажетті ресурстарға қол жеткізуді қамтамасыз етеді. AI’preneurs AI-стартаптарды дамыту және масштабтау үшін жаңа мүмкіндіктер ашуды жалғастырады.

Анықтама үшін:

AI’preneurs — Astana Hub-тың 2024 жылы іске қосылған флагмандық акселерациялық бағдарламасы. Бұл Қазақстандағы жасанды интеллект саласындағы стартаптарды іске қосу үшін арнайы құрылған алғашқы алаң. Бағдарлама әртүрлі салалардың — машиналық оқыту мен бағдарламалық инженериядан бастап маркетинг пен өнім менеджментіне дейінгі мамандарды біріктіреді. Үш ай ішінде қатысушылар идея мен команда құрудан бастап өнімді нарыққа шығаруға дейінгі жолдан өтеді.

Demo Day AI’preneurs — қатысушылар өз жобаларын инвесторларға, венчурлық қорларға және бизнес өкілдеріне таныстыратын қорытынды іс-шара.